Tänhään on oikea hölmöläisjoukko noussu konheesseen anomhaan ja rukkoilemhaan Nathoon pääsyä.
Sinne lähit ainaki äiti ja mummi, isä ja kummi, ja lisäksi iso pataljoona kaikenlaisia apumiehiä. Ja kaikila niilä oli hienot kostyymit veettynä ropan peitoksi, kuinkas muuten. Eihän sitä sovi raasuissa ja ryysyissä ilmestyä huipputaphaamisseen..
Net lähti sinne huippuhetkheen Matrithiin kattomhaan, onko muistaki maista tullu sinne asialisesti varustautunheita johtonaisia ja johtomiehiä.
Täytyyhän se tietekki olla sähköhammasharjaki matkassa sitä varraa, että jos sattus jotaki menheen niin pahoin hamphaankolhoon, että tarttis sopivaa asetta asian selvittämisseen.
Ja ilmastonmuutoksenki net otti huomihoon ja puhalsit matkaan säkilisen puhasta ilmaa, jos sielä vaikka sattus tulheen happikato näin pahentunheen ilman aikana.
No niin, sinne se koko konkkaronkka häipy, niinko pieru sahahraan, ja varmasti jo pian met saama metialta tietoja, onko sielä oltu sovussa vai onko sielä saatu aikhaan vanhankansan käsirysy.
No varmasti niilä jokasella on nitropurkkiki taskussa sitä varraa, että sattus saahmaan syänkohtauksen mittelyn loppuhuipenuksessa.
Ja Piitteniki olis tietenki tervetullu osalistuja, mutta ko sillon jo kovat piipussa muitten asioittensa hoitamisen suhteen, ei siltä taija irrota ajatustakhaan pohjosen herkkänahkasille pojile ja tietekki tyttärillekki.
Selenski kyllä vaatii taas lissää asseita Natolta, mutta Nato ei vissiinkhään ole mikhään sotilasliitto, son vain isojen poikien leikkikerho.
Että se siittä. Saapiipa sitten kuula, miten hölmöläiset sielä eistyy aikheissaan.
Ja sen, selviäväkkö net sieltä ilman kartanlukijaa ja taluttajjaa kotia.
Sinne lähit ainaki äiti ja mummi, isä ja kummi, ja lisäksi iso pataljoona kaikenlaisia apumiehiä. Ja kaikila niilä oli hienot kostyymit veettynä ropan peitoksi, kuinkas muuten. Eihän sitä sovi raasuissa ja ryysyissä ilmestyä huipputaphaamisseen..
Net lähti sinne huippuhetkheen Matrithiin kattomhaan, onko muistaki maista tullu sinne asialisesti varustautunheita johtonaisia ja johtomiehiä.
Täytyyhän se tietekki olla sähköhammasharjaki matkassa sitä varraa, että jos sattus jotaki menheen niin pahoin hamphaankolhoon, että tarttis sopivaa asetta asian selvittämisseen.
Ja ilmastonmuutoksenki net otti huomihoon ja puhalsit matkaan säkilisen puhasta ilmaa, jos sielä vaikka sattus tulheen happikato näin pahentunheen ilman aikana.
No niin, sinne se koko konkkaronkka häipy, niinko pieru sahahraan, ja varmasti jo pian met saama metialta tietoja, onko sielä oltu sovussa vai onko sielä saatu aikhaan vanhankansan käsirysy.
No varmasti niilä jokasella on nitropurkkiki taskussa sitä varraa, että sattus saahmaan syänkohtauksen mittelyn loppuhuipenuksessa.
Ja Piitteniki olis tietenki tervetullu osalistuja, mutta ko sillon jo kovat piipussa muitten asioittensa hoitamisen suhteen, ei siltä taija irrota ajatustakhaan pohjosen herkkänahkasille pojile ja tietekki tyttärillekki.
Selenski kyllä vaatii taas lissää asseita Natolta, mutta Nato ei vissiinkhään ole mikhään sotilasliitto, son vain isojen poikien leikkikerho.
Että se siittä. Saapiipa sitten kuula, miten hölmöläiset sielä eistyy aikheissaan.
Ja sen, selviäväkkö net sieltä ilman kartanlukijaa ja taluttajjaa kotia.
Vastaukset 4
Vanhimmat
Ovatkohan ne osanneet perille? Ei sitä tiedä, vaikka olisivat eksyneet.
Ei se Nato vieläkhään ko vain häämöttää jossaki. Menikhään hölmöläisiltä seki reisu hukhaan?
No tuli sielä vissiin taas ainaki yksi uusi allekirjotus, saivat net sen aikhaan, osasikhaan net tehhä sen oikein? Se on ollu jo suuri saavutus hölmöläisiltä. Ja saattaa net tietekki senki asian valehtella viattoman näkösellä naamarustinkilla, niistä ole mithään taikaa mitä tekevä.
Hölmöläisten naamoja ei ole liiemin näkyny reisun jälkheen. Niitten täytyy vissiin oottaa, että pahimat mustelmat paranee ja happikaosta toipuminenki tietekki viepii aikansa.
Ja taas uusia leikkipyssyjä aiothiin laittaa tappotanterheele, ettei vain ruuhmiit pääsis kokohnaan loppumhaan.
Piitteniki tuli taas varmistamhaan ja vaatimhaan, että sotaleikin pittää jatkua, sitä ei saa lopettaa nuin vain. Täytyyhän se leikin johtajan olla leikissä matkassa.
Ei ne kaikki hölmöläiset mahtunu konheesseen. Ainaki yks jäi tänne alottelehmaan höpöjuttuja.
Son tullu tässä maailmantilantheessa aika valita, itä taikka länsi, ja met olema valihneet. Menkää ithään jolle ei kelpaa.